Ni Sa Bula!

E rua tiko na inaki levu ni ivola oqo.

Matai, e ivurevure tiko ni tukutuku ka wasei kina na kena tauyavutaki na nodra itovo kei na ivakarau na mata tamata ni Polinisia, Melanisia kei Maikoronisia.

Karua, e vakaraitaki kina eso na nodra italanoa na dui tamata kei na mata tamata kaukauwa eso ka ra sa curuma ka ra rawata na vei ka dredre ka me ibolebole tiko vei keda na kena vo ni kai yanuyanu.

Ni da biuta mai na noda vei yanuyanu me da gole yani ki vanua tani vakai Amerika, Ositereilia, Bolatagane, Javani kei na veivanua tale eso e rawa ni levu kina na noda mamarau ka da lai mata sarasara wale. E dau levu na gauna, e dau imatai ni ka e da dau saga sa ikoya na noda tovolea me da kidava ka bulataka na nodra varau ni bula. Ni oti ya e da sa dau qai saga tale me da gole tani mai va bula oya ka me da sagai keda ga vakai keda.

E wasei tiko eke na nodra italanoa na vei tamata ka ra sa curuma mai e levu na vei dredre vou eso ka sa ibolebole tiko vei keda.

Ke o mani dau ni caka bisinisi, dau qito, gonevuli, dau qiriqiri, dau lagasere se na cava ga o ni vaitavi taki kemuni tiko kina, keitou nuitaka ni o ni  na marautaka na vei talanoa oqo ka me ibolebole talega vei kemuni.

Kerekere ni veitaratara mai kevaka o ni via wasea talega e dua nomuni italanoa. E sega ni dua na ka e dredre!